शैक्षिक क्षेत्रमा विद्यामान विकृति विसंगती ध्वस्त पार्न आन्दोनको राँको बाल्ने अनेरास् Read More>>>
रुपन्देही १ असोज- वर्तमान संसदयी राजनैतिक खेलमा झुटको खेती हुने गरेको र जनताको आँखामा छारो हालेर भ्रष्टद्धार हुने गरेको र विशेष गरी शैक्षिक क्षेत्रमा लुटतन्त्र हावि भएको आरोप लगाउँदै नेत्रविक्रम चन्द विप्लप नेतृत्वका नेकपा माओवादीका कार्यकर्ताहरुले आफुहरु मर्न तयार रहेको उद्घोष गरेका छन् ।
आज गुल्मीको सदरमुकाम तम्घासमा सो पार्टीको विद्यार्थी संगठन अनेरास्ववियु (क्रान्तिकारी ) को १७ औं जिल्ला सम्मेलनमा वोल्ने अधिकांस नेता कार्यकर्ताहरुले हस्तक्षेपकारी भुमिका खेलेर त्यस विरुद्ध लड्दा ज्यान नै गुमाउनु परे पनि आफुहरु तयार रहेको उद्घोष गरे ।
सम्मेलनको उद्घाटन गर्दै त्यस पार्टीका केन्द्रिय सदस्य तथा लुम्विनी अञ्चल ईन्चार्ज चन्द्रबहादुर चन्दले राज्यले दुई खालको शिक्षनीति अवलम्वन गरेर गरिव र धनीका छोरा छोरीले पढ्ने अलग अलग विद्यालय बनाएर अन्याय गरेको आरोप लगाउँदै अव आफ्नो संगठन त्यस विरुद्ध शसक्त ढंगले उत्रिने चेतावनी दिए ।
उनले शैक्षिक क्षेत्रमा माफिया तन्त्र हावि भएको आरोप लगाउँदै भने विद्यार्थी हरुको जिल्ला सम्मेलन एउटा सानो झिल्को मात्रै हो, अव शैक्षिक क्षेत्रमा विद्यामान विकृति विसंगती ध्वस्त पार्न आन्दोन राँको वाल्ने छौं । ’
अनेरास्वव्यु क्रान्तिकारीका केन्द्रिय सदस्य प्रेमचन्द भुसालले शैक्षिक दलालहरु विरुद्ध आफ्नो संगठन उत्रिए पछि त्रसिद भएर आफुहरु निकट विद्यार्थीहरुलाई संगठिन हुन नदिने गरेको आरोप लगाए ।
उनले विद्यार्थीहरुलाई सम्वोधन .गर्दै भने– ‘शैक्षिक दलालहरुले असत्य कुरा गरेर व्रम्हालुट गरेका छन् । तर तपाईहरु यो कुरा बुझ्नुस गलत कुरा गरेर बाँच्नु भन्दा सत्य कुरा गरेर मर्न वेस हुन्छ । यसर्थ सत्यको पक्षमा मर्न तयार हुनुहोस् । ’
उनले अव्यवहारिक शिक्षा नीतिको कुनै अर्थ नभएको भन्दै भने–‘ चिनमा हामीले खेलाउने मोवाईल त्यहाँका कक्षा ८ र ९ पढ्दै गरेका विद्यार्थीहरुले बनाएका मोवाईलहरु हुन तर त्यस्ता विद्यार्थीहरुले बनाएका मोवाईलहरु यहाँका व्याचलर बढेका शिक्षकहरुले मिसकल कहाँबाट आयो भनेर पत्ता लगाउन समेत सक्दैनन् । कार्यक्रममा सो पार्टीका गुल्मी जिल्ला सेक्रटरी विष्णु पन्थ , जनवर्गिय संगठन प्रमुख खिम खड्का लगायका नेताहरुले पनि मन्तव्य राखेका थिए ।
जिल्ला सम्मेलन आयोजक समिति सदस्य मुक्ती गैरेको अध्यक्षतामा सम्पन्न कार्यक्रममा शंंकर कुँवरको स्वागत मन्तव्य र माधव पाण्डेको सञ्चालन रहेको थियो ।
Post a Comment